Amerikareisa – læringspakker arkiv og kildekritikk

Føremålet med prosjektet er å utvikle nye læringspakkar basert på autentiske arkivkjelder frå norsk utvandringshistorie til Amerika. Ressursane skal gje elevar innsikt i migrasjonshistoria og samtidig styrkje deira kjeldekritiske ferdigheiter og digitale dømmekraft. Prosjektet byggjer vidare på erfaringane frå emigratingtoamerica.no og vil tilby konkrete oppgåver, lærarrettleiingar og digitale verktøy som gjer det lettare å bruke arkivmateriale i undervisninga. Ønska resultat er auka bruk av arkiv i skulen, betre forståing av kjeldebruk blant elevar, og utvikling av opne læringsressursar som kan delast nasjonalt og vidareførast til andre arkivfelt.

Om prosjektet

Prosjektet tek utgangspunkt i utfordringa med at arkivmateriale frå norsk utvandringshistorie i liten grad er aktivt brukt i skulen, sjølv om det rommar unike forteljingar og autentiske kjelder som kan engasjere elevar. Mange lærarar opplever at det er tidkrevjande og vanskeleg å finne eigna kjelder og utvikle opplegg for kjeldekritisk arbeid. Prosjektet vil difor laga nye læringspakkar som gjer arkivmaterialet meir tilgjengeleg og brukbart, og samstundes styrkje elevane si evne til å stille kritiske spørsmål til kjelder, reflektere over migrasjonshistoria og forstå korleis historiske og digitale kjelder fungerer i samanheng. Prosjektet har nytteverdi ved å gjera norsk utvandringshistorie meir relevant og tilgjengeleg for skuleverket, samstundes som det styrkjer arkivsektoren si rolle som kunnskaps- og læringsressurs. For skulen betyr det konkrete undervisningsopplegg der elevar får møte autentiske kjelder, noko som fremjar historisk forståing, kjeldekritikk og digital dømmekraft. For arkiva gir prosjektet ny aktualitet til kjeldematerialet og viser korleis det kan brukast aktivt i opplæringa. Ønska gevinst er at fleire elevar og lærarar tek i bruk arkivmateriale, at elevane utviklar betre kritiske ferdigheiter, og at læringsressursane vert fritt tilgjengelege og delte nasjonalt med langvarig effekt. Slik får elevar hands-on erfaring med å analysere og vurdere kjelder. Første digitale prototypar ferdige.