Amerikareisa – nyskapande historieformidling for barn og unge

Føremålet med prosjektet er å formidla norsk utvandringshistorie til barn og unge gjennom innovative digitale og fysiske formidlingsverktøy. Prosjektet kombinerer ei visuell novelle, ein utdanningspakke og ei interaktiv utstilling for å gjera historisk arkivmateriale tilgjengeleg og engasjerande. Ønskt resultat er å auka forståinga av migrasjonshistorie, fremme refleksjon rundt historiske og moderne migrasjonsprosessar, og bidra til fornying i arkivsektoren ved å bruka teknologi til å auke bruk av arkiv. Prosjektet siktar også mot å styrkja samarbeid mellom arkiv, museum, bibliotek og utdanningsinstitusjonar

Om prosjektet

Prosjektet tek sikte på gjera norsk utvandring til Amerika forståeleg og relevant for dagens unge, som kan ha liten kjennskap til denne delen av norsk historie. Ei anna utfordring er å knyta historiske migrasjonar til dagens debatt om migrasjon. Prosjektet klargjer likskapar og forskjellar mellom tidlegare utvandring og moderne innvandring, noko som gir eit verdifullt perspektiv for samtidsdiskusjonar om migrasjon. Prosjektet skal utvikle innovative digitale verktøy, i form av ei visuell novelle, undervisningspakke og ei mobil utstilling for å formidla reisa til emigrantane på ein interaktiv og engasjerande måte. Dette gir moglegheiter for djupare innsikt i historia ved å kombinera interaktive val med arkivmateriale, som historiske fotografi og dokument​. Høgskulen på Vestlandet vil bidra med tilbakemeldingar på pedagogisk innhald og brukartesting på lærarstudiet. Målgruppe for prosjektet er i hovudsak skuleelvar. Dataspelet rettar seg mot den vidaregåande skulen og mobil utstilling er retta mot elevar på mellom- og ungdomskuletrinnet. Målsetjinga er at produkta/læremidla som prosjektpartnarane utviklar og produserer i løpet av prosjektet er godt forankra i læreplanar og vil bli nytta av lærar i deira undervisning i lang tid framover. Den interaktive visuelle novelle vil også vere tilgjengeleg for fri bruk av ålmenta.

Rapporter