Ordning, pakking og registrering av arkivet etter Hans Hyldbakk

Målet med prosjektet er å ordne og pakka om arkivet etter forfattar og lokalhistorikar Hans Hyldbakk (f.1898-d.2001). Arkivet skal registrerast i Asta og publiserast på Arkivportalen.

Om prosjektet

Arkivet er omlag 15 hyllemeter og er skapt av forfattaren Hans Hyldbakk (f. 1891 – d. 2001). Det er eit arkiv utan digitalt materiale, med saksmapper, enkeltståande dokument, korrespondanse, bokmanus, og notatbøker. Hans Hyldbakk levde og virka som forfattar, lyrikar og lokalhistorikar i Surnadal, med heile Nordmøre som arbeidsområde. Mest kjent er han i dag for å ha skrive teksten Vårsøg, tonesett av Henning Sommerro. Hyldbakk skreiv 19 bind med slektshistorie og bygdebøker, og fleire lokalhistoriske skrifter. Han ga også ut 11 diktsamlingar. Sentralt i det lokalhistoriske arbeidet var dokumentasjon av husmannsplassar og husmannsslekter, som inntil då hadde vore ei oversett gruppe i samfunnet i denne samanheng. Dette har han også sjølv uttalt at var det viktigaste arbeidet han hadde gjort. Hyldbakk var også sterkt politisk engasjert og ein aktiv samfunnsdebattant i avisene på Nordmøre, og er difor eit kjent namn i regionen. Ein stor del av arkivet består av konvoluttar med dokument og notatar som er merka med tema av Hyldbakk sjølv, ca. 260 stk i storleiken A4. Tema kan vere alt frå notatar om lokalhistoriske tema til refleksjonar om storpolitiske saker. Ved gjennomgang og grovsortering ser vi at innhaldet ikkje nødvendigvis er konsekvent og vil krevje ein grundigare

Rapporter